[walaa farouk]

قلتله : يارب ... ... ... هاصلي لكل اللي ظروفهم صعبة
قاللي : طب استني ... ... . خد حاجة مني ... ... ... .
قلتله : يارب عادي ... ... مش دلوقتي ... ... .
فيه ناس نفسيتهم تعبانة اكتر مني انا باصلي من اجلهم ... ... .
قاللي :طب احكيلي الاول ... .مالك ... .؟؟
قلتله : انا كويس يا ابويا متخافش عليّ ... .
قاللي : لو ماخفتش عليك ... ... هاخاف على مين ... .؟؟
قلتله :عادي ... ... يعني شوية افكار كدة بتهدمني ... ... و ذكريات بتوجعني كدة على الماشي ... ... و شوية حاجات بتخوفني ... ...
بس عادي ... ... ابنك راجل و بيعرف يعدي ... ... المهم بس الناس اللي تعبانة اكتر مني
راح بص لي و قاللي : طب عيني في عينك كدة ... .
دموعي نزلت ... ... فاخدني في حضنه ... .وطبطب عليّ ... ... ...
وقاللي : طيب بس ... ... .كفاية ... ... مش باستحمل دموعك
قلتله : يااااه ... ... دة انا كنت محتاج حضنك اوي اوي ... ... .
قاللي : و انا عمري ما هطلعك برة حضني ... ... .
قلتله : وانا مش عايز حاجة غيره ... ... انت ابويا ... ... وحضنك دة هو راحتي ... ... .
قاللي : طب هاتلي ناسك و اهلك و حبايبك و ارمي حمولهم عليّ ... ... ... .
و اسندهم طالما انت مسنود علي ... ... ...
ابوك هو الوحيد اللي فاهمك ... ... وعارف اعماقك ... ...
حاسس بيك ... ... .ومقدر مشاعرك
حتى لو كنت مجروح ... ... و عامل نفسك جامد و بتضحك و بتهزر ... ... ...
عارف ليه ؟
علشان انت ابنه الغالي عليه اوي ... ... .
اترمي في حضنه ... ... هاترتاح ... ... .و هاتريح ناس كتير