[Rena Jesus]

ألايمان_اللحظي
هل يكفي الإيمان لخلاصك...
يعني ينفع اقول اصل ان مؤمن وبحب ربنا وكدا يبقى فل وكفاية على كدا..
وهو يعني ايه إيمان اصلا... هاااااااه

في يوحنا 8.. الرب يسوع كان بيتكلم مع مجموعة من اليهود وأول ما سمعوا الكلام آمنوا.. يعني بقوا مؤمنين الكتاب بيقول عليهم كدا
" وَبَيْنَمَا هُوَ يَتَكَلَّمُ بِهَذَا آمَنَ بِهِ كَثِيرُونَ.يُوحَنَّا ٨:٣٠" ..
بعد كدا بصلهم الرب يسوع وقالهم
" إِنَّكُمْ إِنْ ثَبَتُّمْ فِي كَلَامِي فَبِالْحَقِيقَةِ تَكُونُونَ تَلَامِيذِي"..

يعني بعد الإيمان مقلهومش برافوا كدا زي الفل..
لا قالهم لازم تثبتوا في الإيمان دا..
لأن في ناس كتير بتبقى ماشيه مع الأغلبية وكلوا بيقول اصل انا مؤمن وبتاع ربنا
الغريبه أن الناس دول بعد ما كانوا مؤمنين..
هما نفسهم "رَفَعُوا حِجَارَةً لِيَرْجُمُوهُ." يعني الإيمان بتاعهم مستمرش ساعه..
علشان كدا ربنا هنا بيتكلم عن الثبات في الإيمان والاستمرار فية..
دا الي بيحولك لتلميذ حقيقي

الإيمان بتاع الناس دي اسمه ايمان لحظي..
وهو بيكون عبارة عن واحد سمع وعظه على ترنيمة على شويه مشاعر كدا سخنه..
تلاقي الإيمان نزل مره واحده وبعدها بكام يوم ترجع الدنيا زي ما كانت..

علشان كدا حاول دايما تراجع نفسك كل فتره وتشوف انتا فين من الايمان إلى انت مؤمن بيه.. وبعدت عنه قد ايه
اثبتوا_في_كلامي