18 - 07 - 2017, 09:56 PM
|
|
|
|
..::| الإدارة العامة |::..
|
|
|
|
|
|
مش عايزة فلوس 😢
مش عايزة هدايا 😢
انا عايزاك انت 😢
كفايا غربة ..كفايا بعد...
كل الناس باصين لينا واننا معانا فلوس وطمعانين فينا عشان انت مسافر..
فاكرين اللي مسافر بنك متحرك 😏
ميعرفوش ان الغربة اخدت من عمرنا وسرقته..
ميعرفوش ان كل واحد فينا اعد ف بلد بعيد عن التاني😢
ميعرفوش اني ميعرفش نام م الخوف وانا لوحد انا والولاد والقلق بيبقا ماليني 😢
ميعرفوش اني ك ست شايلة مسئولية اب وام وكل حاجة وبروح بتعامل مع السباك والنقاش والمبلط والسمكري ومع اي موظف اخلص ورق وبيطلع عيني وبيضحك عليا احسانا 😢
ميعرفوش اني بنام لوحدي بفكر فيك وكل واحدة اعدة مع جوزها وانا لوحدي 😢
ميعرفوش اني بروح اخرج ولادي لوحدي ويبقا شايفة كل اب واخد مراته وعياله يفسحهم ويشيل همهم ومسئوليتهم وانا اللي شايلة كل حاجة😢
انا مش عايزة فلووووس
انا عايزة جوزي جنبي ..يخرجني يشيل عني يفرحني 😢
عارفة انك بتعمل كدة عشان مستقبلنا بس ازاي واحنا مش عارفين نعيش حاضرنا اصلنا ودايما ناقصنا حاجة مش فلوس لا خالص ناقصنا إنت
|