[walaa farouk]

لو كان الألم معناه ان الله ناسينا...
كانت العدرا اول واحدة صرخت "انت فين يارب؟؟"...لما كانت متبهدلة ف عز البرد و مش لاقية مكان تولد فيه
لو كان الألم معناه ان ربنا ببيعاقبنا..ويخلينا نخاصمه ونبعد عنه
كانت العدرا احق واحدة تخاصمه لما تبقي متبهدلة وهربانة لبلد تانية و الناس بتطردها و مابترداش تديها اكل حتي
لو كان الألم معناه ان ربنا مش موجود...
كانت العدرا بقت اول الملحدين..لما شافت ابنها و ضناها بيتعذب و بيتجلد و بيتصلب
ماغلطش اللي قال " حيرتي العلماء"
كنتي عاملة ازاي عشان تتحملي كل دا بفرح....كان عندك ايمان شكله ايه اللي يقبل كل دا بحب و ثقة ان الالم وراه بركة
بحق مدايحك اللي مرفوعة ف الكنايس الايام دي....ادينا بس نتعلم منك الصفة دي....ادينا حبة تحمل من بتوعك دول....علمينا نحب الالم زيك كدا و نقبله بشكر و فرح
صحيح...اصل لو مكنش اختارك انتي كان هيختار مين؟!!!!!