خشب في خشب مصنوع وعليه أحلى الرسومات
وده من حجاب موضوع ده حامل الأيقونات
فيه باب الملوك العظيم في الوسط بابين بابين
وورا فيه ستر جميل وعلى الجنبين طاقتين
ربي يسوع الحنَّان على اليمين تلقاه
ويوحنا المعمدان وشفيع كنيستنا معاه
أم عمانوئيل مريم على الشمال
وبشارة م الملاك ميخائيل ومارمرقس كمثال
وفوق صور التلاميذ والعشا الرباني
وفوقهم الصليب ومريم والرئيس
قدام الصورة قنديل سراج مُنير وجميل
مع باقي القديسين دول لينا مثال ودليل
يا حامل الأيقونات يا جميل جوه كنيستي
باشوف فيك السموات وأشتاق ليها بقلبي
خشب في خشب مصنوع وعليه أحلى الرسومات
وده من حجاب موضوع ده حامل الأيقونات