[Rena Jesus]

ايدك اليمين فيها كام صباع ..
خمسة ..

طب والشمال ..
خمسة ..

عندك بصمة زى التانية ..
لأ ..

يعنى انت لوحدك عندك 10 بصمات ..
ايوة ..

عندك اخوات ..
أه ..

حد فيهم بصمته زيك ..
لأ ..

فيه حد من اخواتك توأمك ..
أه ..

حد فيهم بصمته زيك ..
أبداً ..

طب فيه حد فى العالم عنده بصمتك ..
استحالة ..

عارف تعداد العالم كام ..
حوالى 2 مليار ..

يعنى لو كل واحد منهم عنده 10 بصمات بتوعه ..
يبقى فيه كام بصمة ..
20 مليار ..

تفتكر ليه..
ممممممم
لأ مافكرتش ..

انا بقى فكرت ..

اكيد ماكانش هدف ربنا ..
من اختلاف بصماتنا ..
الكشف السهل لجرايم القتل والسرقة ..
ولا عشان الفيش والتشبيه مايتكررش ..

ربنا عايز يقول لك ..
انت ماتخلقتش صدفة ..

انا خلقتك يا .......
حط اسمك مكان النقط ..

ولأنك مش مخلوق صدفة ..
يبقى مخلوق عشان رسالة ..
مافيش حد غيرك هيوصلها ..

مخلوق عشان هدف ..
مافيش حد غيرك هيحققه ..

مخلوق عشان عمل ..
ماحدش غيرك هيعمله ..

مخلوق عشان تميز ..
ماحدش غيرك هيتميز بيه ..

لو لسة لحد دلوقتى ماعرفتش انت اتخلقت ليه ..
خلينى اقول لك المفاجأة ..

كلنا هنتسأل اسألة عامة فى الاخر ..
صومت .. صليت .. قريت فى الكتاب ..
عملت خير .. قدمت شكل العبادة المطلوب منك ..
كل اللى فات دى اسئلة عامة ..

لكن سؤال المستوى الرفيع ..
دا سؤال رسالتك ..
دا سؤال الهدف من وجودك ..
دا سؤال مربوط ببصمتك ..

والمشكلة ..
انك مش هتعرف تقول لربنا ..
اصلى ماعرفتش انا اتخلقت ليه ..

لأنه اكيد بيوضحهالك كتير جدا ..
وانت اللى مش واخد بالك ..
ممكن تكون رسالتك انك تعمل خير ..
او تصون عن شر ..

ممكن تكون رسالتك ان تتحمل حد ..
او تساعد حد انه يتحمل غيره ..

ممكن تكون رسالتك انك تقوى اللى حواليك ..
او تساعد اللى حواليك ان الضعف ما يتملكش منهم ..

ممكن تكون رسالتك فى زوج متعب او ابن مريض ..
او زوجة مزعجة .. او اهل بتوع مشاكل ..

ممكن تكون رسالتك فلوس تساعد بيها ناس ..
او رسالتك انك تبقى فقير وراضى ..
واللى يساعدك يكسب بيك خير .. ويحقق بيك رسالته هو ..

المهم فى الاخر ..
تبقى متأكد ..
ان ربنا عشان بيحيك خلقك ..
لكن ماخلقكش عشان بيحبك وبس ..

دور ع الاجابة ..
عشان تاخد درجة ..
سؤال المستوى الرفيع ..

والكلام ده حقيقى جدااا ...

أمير تادرس