الجاهز و التفصيل ..
لو عايز تشتري انتريه قدامك حلين ؛
الأول و الأسهل هو الجاهز تروح أي معرض و تشتري انتريه جاهز و شيك و الوانه كتيره و تختار براحتك و تدفع تمنه
و هووب مبرووووك ..... ألبس
الحل التاني هو الأصعب و الأطول و بياخد وقت و مجهود و تعب
بس هو الاريح هو الأنفع هو الالذ .. التفصيل
خطواته طويله تشوف نجار امين و تشوف خشب كويس و تدور علي أشكال مناسبه وتقيس المساحة المناسبه له و ندهن بقي و الوان و تتابع كل يوم ...........
مشكله الحل التاني هي الوقت الانتظار
( فتره التفصيل )
ربنا بيعمل معانا كده بالظبط ..
باله طويل قوي عشان بيفصلك حاجه شيك و مناسبه ليك ،
باله طويل بس محسوب ،
فتره الانتظار هي فتره اختبار الإيمان ، إيمانك بيه و في عمله معاك ،
تبقي واثق انه هيعملك انتريه حلو و شيك ، هو مبيعملش حاجه وحشه
خيرات ربنا اللي بيديهالك مش لازم تكون فلوس مش لازم تكون حاجات مادية اصلا
( نفسه في الخير تبيت مزمور 13:25 )
يعني هيشبعك خير ..
خيره ممكن يكون رضا ..
مش كل الغني راضي .. بس كل الراضي غني