بلاش تبقى حفره ...... خليك كوبرى
ربنا بيستر على واحد فينا ........ وأحنا نفضحه
والأسم بنقول رأينا مش أكتر
انا اصلى صريح وأقول للأعور فى عينه
ربنا يطبطب على الحزين ...... واحنا نرزعه كلام يكسر بخاطره
أنت أزاى بارد كده !!!! ;
مش شايف المصيبه اللى انت فيها !!!! ;
ايه قلبك حجر !!!!
ربنا يخبط على قلب حد بعيد عنه ...... واحنا نهريه
أيوه ياعم بركاتك ياسيدنا
نأخد بركه يا قديس
ربنا يصنع سلام بين اتنين ...... وأحنا نولعها حريقه
أنت ازاى تسكت على حقك .... انت عبيط ....
أهو ادالك على قفاك يا خايب
ربنا يعطى الفقراء والمحتاجين ...... وأحنا نكسر نفسهم بفلوسه اللى رزقنا بيها
فكر انك تبقى كوبرى يوصل الناس لربنا
مش حفره يتكعبل فيها كل اللى يقرب منها
ويعجز عن الوصول ليه