†مريم أم الغلابة بلسم يشفي التعابى قدام الله تملي صلواتها مستجابة†
يا بتول زادت علينا أحزاننا و اتحنينا تحت حمولنا و بقينا بذنوب متقيدين
و يا أم يسوع فادينا بشفاعتك ظللينا عايزين معونة لينا لحنانك محتاجين
†مريم أم الغلابة بلسم يشفي التعابى قدام الله تملي صلواتها مستجابة†
الليل بيغيب نهاره و القلب يزيد مراره و النور طال انتظاره يا مريم تعبانين
ابليس بشباكة صادنا و فى كل دقيقة صدمة ونور الله قصادنا و عنينا مغمضين
†مريم أم الغلابة بلسم يشفي التعابى قدام الله تملي صلواتها مستجابة†
العالم بيحاربنا و من الشر تعبنا و من الدنيا شربنا و لسة عطشانين
ده يسوع فاتح بيبانه صلي لينا ندوق سلامه يروي قلوبنا بحنانه و يهدي الحيرانين
†مريم أم الغلابة بلسم يشفي التعابى قدام الله تملي صلواتها مستجابة†