[walaa farouk]

أوقات كتير بتكون رؤيتك لنفسك واحساسك بقيمتك متوقفين علي أراء الناس فيكي (أهلك - زوجك - أصدقائك - مديرك - زملائك - جيرانك) ، مع أن كتير من الناس بتبص عليكي بمفاهيمهم الخاطئة ونشأتهم المختلفة عنك ، وتفضلي أيام وسنين سجينة اللي صدقتيه واللي نجح إبليس انه يخليكي تحسي بالصغر وأنك ماتساويش شىء ودة ممكن يحصل من الطفولة وفي كل مراحل حياتك :
انا تخينة وهفضل كدة.
محدش بيحبني ولا حد عايز يصاحبني.
انا مش جميلة ولا جذابة.
انا مش هقدر اشتغل في وظيفة كويسة علشان مش جامعية.
انا مش جذابة لجوزي.
انا مش أم صالحة.
انا ....
واللي بتصدقيه عن نفسك من الأكاذيب دي بيحدد الطريقة اللي بتعيشي بيها، فتلاقي نفسك علطول حزينة، منعزلة عن الناس ، مضطربة ، معندكيش ثقة في نفسك ، مش مقدمة علي الحياة ودة بالتأكيد هيأثر علي كل اللي حواليكي وخاصة أسرتك.
ربنا النهاردة عايز يقولك انه خلقك علي صورته وعلي شبهه، انتي جميلة ، انتي غالية ، أنتي محبوبة ، موهوبة ، أم وزوجة رائعة ، قال العريس (المسيح)

للعروس (انتي ) كلك جميلة يا حبيبتي ليس فيكي عيبة - نشيد الانشاد 4 :

انتي غالية وقيمتك عالية في يسوع، فهل تسمعي للاكاذيب وتضيعي حياتك؟ أم تسمعي للحق الذي يحررك؟