[walaa farouk]

الشخص الى بيحبك
هيهتم
هيشوف تليفونك هيرد..
ولو مردش هيبعت رسالة
و لو مبعتش رسالة .. هيتصل بيك فى اقرب وقت
لو تعبت هيسأل عنك.. مش مرة واحدة او اتنين...لا... هيقرفك اتصالات
لو غيبت بيحس بغيابك... مش بالاسبوع مفيش اى سؤال حتي!!
لو زعلت..هيعمل قرد علشان يصالحك.. على الاقل مش هيسيبك تنام زعلان
لو حزين.. هيعملك اراجوز علشان تضحك
لو نفسك فى اكلة .. هتلاقية بيقولك انا عازمك بره و يأكلهالك
لو متضايق و مخنوق هتلاقى بيحتويك و بيسمعك و يطيب خاطرك بكلام جميل
لو متعصب و ثاير .. هتلاقية بيمتص غضبك او يقولك حاضر بس انت متزعلش نفسك
لو عيان.. هتلاقية بيلف حوالين نفسة و اتحول من انسان لمنبة بيفكرك بمواعيد دواك
لو لبست شيك.... هيقولك كلام يدوخ
لو برفانك حلو...هتلاقية بيقولك كلام يدوخ برضو.. وممكن ميكونش حلو بس هيقولك انه احلى برفان شميتة فى حياتي
لو جبتى لبس جديد هياخد بالة
لو غيرتي تسريحة شعرك هيعرف ..مش هيعدى علية الحاجات دى
هيعرف زعلانة او فرحانة من اول ما تقولى ( ألو)
جرب تقولها كدة انك نفسك تخرج النهاردة... هتقولك انا هجهز فى 5 دقايق..اجهز و كلمنى!!
يا سلام لو الجو برد شوية... هتلاقيها بتديلك تعليمات اكل وشرب ولبس و هتنفذ غصب عنك
قولها كدة انك تعبت و مش قادر تكمل فى الدنيا دي..هتلاقى تشجيع مش هتسمعة من اهلك نفسهم
جربى كدة تقوليله انا عايزة اشتري حاجات ليا..هتلاقية اخد شريط حبوب الصبر و نزل معاكى من طلعة الشمس لأخر اليوم علشان يلف معاكي حتى لو تعبان هيكملك حاجتك قبل ما اليوم يخلص
الى بيحب... مش هيعمل الى انا كتبتة فوق ده....لا طبعا... مستحيل يعمل ده
عارفين ليه؟؟
علشان هيعمل اكتر من ده
الى ميعملش معاك و معاكي كدة
انا اسف جدااااااااااااااااااااا
انتى مش رقم 1 فى حياتة
انت مش رقم 1 فى حياتها
عيد نظر فى علاقتك علشان انت و انتى احلى و اجمل من انك تعيش مع حد يخليك رقم 2 فى اى حاجة