[walaa farouk]

تحب حد ..
تقوم تروح تقول له ..
انا من غيرك ولا حاجة

ولا حاجة ازاى ؟؟؟؟..
وانت اساس كل حاجة

بص حواليك كدة .. وانت هتعرف
الكوووووووووون دا كله .. اتعمل عشانك
انت فعلا ليك قيمة .. بذاتك ..
مش باللى حواليك

حب واتعلق باللى حواليك ..
بس ماتخليش مفاتيح حياتك فى ايديهم

اللى خلقك
ادالك مفاتيح الفرح والسعادة
النجاح والطموح
الارادة والاصرار

بص حواليك تانى كدة ..
مجدى يعقوب ..
ذاكر ونجح .. حب واجتهد
طور نفسه .. وبقى فى الاخر مجدى يعقوب

ارجع كدة شوية ..

بيتهوفن .. اصم ..
وسيمفونياته بتتدرس

ارجع كمان ..

الفراعنة ..
لغاية انهاردة ..
العالم محتار فى سر علمهم وتقدمهم

ارجع كمان ..
آدم ..
ابويا وابوك ..
غلاوته .. كانت من غلاوة الحب اللى ربنا حبه له
وهو دا السر

انت غالى ..
عشان ربنا هو اللى عمل لك قيمة
لما خلاك تقف كل شوية تكلمه وتقول له
يارب .. انا عايز
يارب .. اشكرك
يارب .. رحمتك
يارب .. عفوك
يارب .. رضاك

م الآخر .. انت تقدر تعمل حاجات كتير

اوعى تسيب مفاتيح حياتك فى ايدين حد

فرحتك وسعادتك .. بإيديك انت ..
هما اللى هيقووا ارادتك

وإرادتك .. جواك انت ..
هى اللى هتخلق فيك الطموح

وطموحك .. هينجحك انت
ونجاحك .. هيفرحك ويسعدك انت
ونرجع تانى م الاول ..
فرحتك وسعادتك .. بإيديك انت

شفت بقى ان انت الأساس

لو ما بقاش عندك ايمان بقدراتك ..
وعرفت قيمة نفسك ..
اوعى فى يوم ..
ترمى اللوم على حد ..
اتعلقت بيه .. وسابك
لأنه مش مؤمن بيك ..
ومش عارف قيمتك ..

والكلام ده حقيقى جدااا ...

أمير تادرس