06 - 11 - 2016, 09:25 PM
|
|
|
|
..::| الإدارة العامة |::..
|
|
|
|
|
|
عادى!!!
الشتيمة حتى عند الجنس الناعم اللطيف ( هو انتن لسه ناعمات و لطاف ؟ ) .. بقت عادى !
البوس والأحضان بين الجنسين بين كل الطبقات .. كا سلام وتحية او تلبية سريعة لرغبات على كورنيش البحر او فى الحدائق .. بقى عادى !
الرجالة بقت بتقلع لبس الرجالة وبتلبس لبس البنات وماتبقاش عارف من بعيد دة ولد ولا بنت .. والبنات بقت بتقلع لبس البنات و ... ما بتلبس تانى .. و بقى عادى !
بقى الواد من دول يسمع شتيمه أمه وأبوه من اصحابه بهزار .. وبقى عادى !
البنات تتطاول هلى امهاتها بالكلام والتريقة بحجة اختلاف الثقافات ولا الأجيال .. وبقى عادى !
المعاكسات والسفالة لكل شئ مؤنث يتحرك .. و ساعات ثابت  ومحدش بيقول عيب يا ولد .. بقى عادى !
البنات بقت بتعاكس هى كمان بكل وقاحة وقلة حياء .. وبقى عادى !
تحت مسميات كتير .. التحرر و الروشنة و اختلاف الاجيال و التحضر و الموضة و خليهم يعيشوا سنهم .. بقت تتلخص فى ال .. عادى !
الحرام بقى عيب
و العيب بقى عادى !
و بكرة الحرام يبقى عادى !
|