[Rena Jesus]

كام واحده قعدت تتفرج على صورة الولد اللي بيربط لخطيبته رباط الكوتشي
ولا الصورة التانيه اللى فيها الكابل بيبصوا للكاميرا وبيضحكوا
وفي النهاية وصلت للستيتس المبهرة اللى بتقول فيها
هو فينه ده ولو متجوزتش حد زي كده هولعلكم في نفسي


طاب استني ياحبيبتي قبل ماتولعي لازم اقولك كام حاجه
متتجوزيش اللي يربطلك الكوتشي علشان متوطيش ..
اتجوزي اللى ميسحمش للحياة انها في يوم تخليكي تنحنى وتتكسري ..
ولو حس بكده يكون اول واحد يساعدك تقفي من تانى ..

متتجوزيش اللى تضحكي معاه في الصور لان الكاميرا بطبيعتها بتجبر حتي الحيوانات انها تبتسم ..
اتجوزي اللى يعرف انك زعلانة من بصة عينيكي و يملى حياتك سعادة ويخلي قلبك يضحك ..

متتجوزيش اللى يزعل لما تكوني تعبانه .. ده طبيعي جدا علي فكرة ..
بس اتجوزي اللى يسيب كل اللى وراه علشان يوديكي للدكتور وميسبكيش غير لما يكون مطمن عليكي..




متتجوزيش اللى يعملك Purposal ..الناس كلها بقت بتقلد بعض وكله بيقارن وعاوز محدش يبقي احسن منه ..
اتجوزي اللى كل يوم يشوفك كأنه اول مرة يشوفك حتى لو تعبانه و شكلك ميفرقش عن الكورة الشراب




الامثله كتير اوي بس
الحياة اعمق بكتير من كام صورة ولقطة وكومنت
من السهل انك تلاقي انسان يضحك وشك
بس من الصعب انك تلاقي اللي يعرف يضحك قلبك ❤
اختارى صح