لما يبقى الحيوان ..
مش بخلان بحضنه ..
على اللى محتاجه ..
وولاد آدم ..
دايرين يشحتوه من بعض ..
لما تبقى الضوافر القاسية ..
قادرة تطبطب ..
وولاد آدم ..
ايديهم عاجزة انها تعمل كدة ..
لما يبقى الفك المفترس ..
قادر يحن ..
وولاد آدم ..
مش عارفين يطلعوا كلمة حلوة لبعض ..
ساعتها لازم نقف ..
ونعترف كلنا ..
ان كلمة "حيوان" ..
مش شتيمة ..
بالعكس .. دى بقت قمة الإحترام ..
بس انا متأكد ..
ان لسة فيه أمل ..
ان الخير اللى اتخلقنا عليه ..
هيكسب الشر اللى رضينا نعيش بيه ..
والكلام ده حقيقى جدااا ...
أمير تادرس