[Rena Jesus]

الكلام اللى تحت مهدى من مايكل سامى للملاك نجوى




مين يأكل مين يلاعب
من يغير الهدوم
مين يشطف مين يدادي
مش يخفف الهموم
مين يقمع مين يحمر
مين يخرط البصل
مين هيقرالها الحكاوي
مين يضفر الخُصل
مين يذاكر مين يراجع
مين هيعمل الفشار
لما تصحي مين يدلع
مين يجهز الفطار
لما تيجي م الحضانه
مين هيحضنها بإيديه
لما تزعل مين يواسي
كتفها يطبطب عليه
راح تفضفض باللي فيها
ويا مين من غير كسوف
طب يارب يوم فرحها
مين يقابل الضيوف
ولا جوزها مين يعوله
وسط أزمات الحياة
مين هيسمع مين هيضحك
مين هيتكلم معاه
حكمتك مقدرش الومها
ولا اقول الفايده ايه !
ليك مشيئه وبيها راضي
مش هقول ازاي وليه
بس صبر قلب جوزها
ويا قلب اتنين بنات
والسلام يدخل قلوبهم
والفرح ف البيت يبات
زي ماتجرح زي ماتعصب
قبل ما يحل الغروب
كلنا بنصرخ ونطلب
التعازي في القلوب

مايكل سامي





ربنا يعزي أسرة م / نجوي نصيف في انتقالها صباح اليوم بسبب نزيف حاد أثناء عملية ولاده قيصرية وتركت زوج بطفلين
طفلة لا تتعدى الست سنوات وطفل عمره يومان
لن نعارض مشيئتك يا قدير ولكن نطلب تعزية في قلوبهم وان تعتني بزوجها وأطفالها وتعطيه الصبر كي يكون الأب والأم وانت قادر يارحيم
يا لعمق غنى الله وحكمته وعلمه ، ما ابعد احكامه عن الفحص و طرقه عن الاستقصاء