- لو كل يوم صفحة
·
لو كل يوم صفحة.....في كتاب تنقري
كانت عقول الناس.....لا تباع ولا تشتري
وعيونهم بالعلم تنضف.....من العماص والخرى
ولا يبقي فيها مقطف.....ولا قُفة بودان
*****************
لو كل يوم فقرة.....تنقري من كتاب
كان اللي ياخد مرة......ما يسيبها ليوم الحساب
ولا ست تخلع راجل.....زي الشبشب ع الباب
وتلبسله جوه وبره..... نايلون وحرير وستان
******************
لو كل يوم جملة ......من كتاب تنقري
كان الجزار يبيع.....ويدبح بالحلال
ولاكانش برده يطبب..... البتلو بالطحال
والزبون يدفع ويطلب..... من غير نقار وفصال
.............................
لو كل يوم سطر.....ينقري في كتاب
كان الحلفان والسب..... ينجلي من ع الحنوك
وسيرة الطلاق ما تقب.... من كتب الحقوق
ونبطل قزقيز لب.....والتف ع الحيطان
عماد خلف ناشد