ايه اللى بيحصل للايام
مالها بتجرى بسرعة قوام
بكره...امبارح.. *.على دلوقتى
دخلوا ف بعض بشكل غريب
كل حياتك بالتقريب
لحظة طويلة من الاوهام
و ايه اللى بيحصل للايام......
بكره بييجى و يبقى الان
و امبارح راح فى خبر كان
و انت بتسأل نفسك دايما
كل الوقت ده عدى ازاى...؟؟
عمرى خلاص رايح مش جاى
متوتر.....خايف. *......قلقان
اهدى شوية يا عم زمان....
ياما حلمنا كتير احلام
ياما سهرنا نقول ف كلام
نرسم ف الجنة دى بأدينا
و العمر بيسرق خطاوينا
نصحى و نرجع تانى ننام
و متاهة تخدنا لقدام
بكره...امبارح.. *.على دلوقتى
دخلوا ف بعض بشكل غريب
كل حياتك بالتقريب
لحظة طويلة من الاوهام
و ايه اللى بيحصل للايام......!
Shenouda. كلمات اعجبتنى