حرامي دخل بيت ست عجوزة لقاها صاحية
قال لها : ايه اللي مصحيكى ياعجوزة
عرفت انه حرامي فقالت : مفزوعة من حلم يا ولدي وانت باين عليك ولد طيب وابن ناس، وشكلك اضطريت للسرقة وانا عندي خير كثير
خذ الأساور الذهبية وإتصرّف فيها وربنا يفتحها عليك..
بس قبل ماتمشى..عايزاك تفسر لي حلمي .
قال الحرامي في نفسه أكيد الست دى هبلة وعلى نياتها
وقعد وقال لها قولي حلمك
قالت : حلمت اني ماشية على طرف نهر وفجاة اتكعبلت رجلي وخفت أن أغرق وبدأت أنده بكل صوتي :
ياعبدو
ياعبــــــــــدو
ياااعبــــــــــدو...
وصحيت فجأة من النوم ..ايه تفسيرك للحلم ياولدي؟؟
وشوية وابنها عبده نازل من الدور الثاني زى الصاروخ
مسك الحرامي ونزل فيه ضرب ..
خافت العجوزة على الحرامي من كتر الضرب وقالت لعبده : كفاية يا ابني الله يرضى عليك..حرام يموت من الضرب!!!
نطق الحرامي وهو ميت من الضرب ...
إضرب ياعبدو إضرب..
أنا أستاهل الضرب
أنا جاي أسرق ولا أفسّر أحلام !