27 - 06 - 2016, 09:28 PM
|
|
|
|
..::| الاشراف العام |::..
|
|
|
|
|
|
قواعد الشوبينج ال 39 للمززز اللي بيحبوا الشوبينج بس مش موفقين
1- الوقت الكويس للشوبينج يوم السبت Saturday for shopping معروفة يعني
2-لو نازلة تشتري قمصان أو بلوزات أو باديهات لازم تكوني لابسه بنطلون مظبوط عليكي
3-مفيش لبس ضيق حتخسيلة ولا لبس حتودية يتضيق اشتري مقاسك بس
4-متشتريش فستان لفرح منال اللي بعد تلات شهور من بدري علشان حتتخني عليه
الفستان حيرخص و ترجعي تعيطي
احتمال منال تفسخ الخطوبة اصلا
5-علقي الهدوم و اعدليها بعد ماتقيسي اللي شغالين في المحل مش شغلهم يلموا وراكي مش امك هما
6-بلاش بنطلون ابيض
7- متنزليش تعملي شوبينج و انتي مودك وحش حتشوفي اللبس كله ضيق و غالي ومش حلو
8- بلاش تعملي شوبينج و انتي معاكي شنطة كبيرة حتلخمك
9-البسي حاجات سهلة القلع لو نازلة تشتري فساتين وجزم
10- بالطو غالي و عليه القيمة ألطف من تلاته شكلهم رخيص
11- ال blazer الكلاسيك كحلي أو اسود قطعة أساسية لايمكن الاستغناء عنها في دولابك
12- ال sale اللي بيتعمل في أول السيزون بيبقى علي بواقي السنة اللي قبلها
و ال sale اللي بيتعمل في نص السيزون sale وهمي الحاجات برضة بتفضل غالية
ال sale بتاع آخر السيزون هو ده ال sale
13- سيبي نمرة تليفونك علشان ييعتولك لو فيه sale
14- البلوزات اللي بزراير و القمصان مقلمة سادة منقوشة مبتبطلش و تتلبس صيف و شتاء فوقها جاكيت بلوفر اي حاجة
15-محلات ال cosmetics ال sale بتاعها بيبقى عظيم تابعي معاهم حتلاقي نفسك مشترية حاجات كتير بفلوس قليلة فعلا
16- خلي دايما عندك لبس للشغل و لبس للخروج علشان متزهاقيش
17- مفيش شوبينج و انتي بتاكلي ايس كريم أو ساندوتش شاورمة كده هبل يا حبيبتي ده يبقى اسمة بنتمشى
18- الصحبة مهمه جدا يا تنزلي مع حد مريح ليكي يا تنزلي لوحدك
19- متعمليش شوبينج مع ماما ابدا
20- متعمليش شوبينج مع حد معاهوش فلوس
21- متعمليش شوبينج مع حد plus size علشان ميبقاش فيه احراج ليكم انتم الاتنين
22- متنبهريش بالحاجات وهي متعلقة علي الشماعه لازم تقيسيها
23- متعمليش شوبينج و انتي شكلك مبهدل انتي مش نازلة سوق الخضار
24- في ال sale ابعدي عن الويك اند تماما لأنك عقبال ما توصلي علشان تعرفي تقيسي حاجة واحده يومك حيضيع
25- لو نازلة علشان تشتري حاجه معينة مش حتلاقيها خلي عندك مرونة و دوري علي بدائل سريعه
26- الشتاء مش كل لبسه غامق و الصيف ممكن نلبس فية اسود عادي
27- نتحرر من فكرة الجزمة لون الشنطة لون المانيكير انتي ممكن تنسقي كذا لون مع بعض
28- بصي علي الزراير و السوست في الهدوم قبل ما تحاسبي و تمشي من المحل
29- خدي بالك اكتر من هدوم ال sale ساعات بيحطوا حاجات منقرة أو شايطه
30- ارجعي اغسلي الهدوم متلبسيهاش علطول علشان اكيد حد قايسها
31- اغسلي الحاجات الجديدة كل قطعة لوحدها علشان تشوفي اللي بيبهت ايه اللي بيكش
32- الكورسية مهم جدا لو انتي مش تخينة بس عندك بطن حقيقي بيفرق في شكل الهدوم
33- الشرابات الكولون بتتباع بالمقاسات ومش لازم تجبيه أصغر منك نمرتين يعني حيخليكي تخينة
34- صبغة شعرك بتخلي وشك وشكل اللبس يبان متخليش اللون اكتر من أربع شهور من غير recolour
35- مش مهم اللبس غالي أو رخيص المهم حتلبسيه ازاي و فين
36- و انتي بتشتري الجزم خوديها بعلبتها علشان لما تيجي تشيليها تعرفي تحافظي عليها
37- متتكسفيش من البياعين لو المحل فاضي و دخلتي مشترتيش مال أهلهم يعني
38- اسألي علي سعر الحاجات و قيميها و شوفي تستاهل ولا لا مفيش حاجه اسمها اصلي اتكسفت فا اشتريتة
39- افكسي لكل اللي فات اعملي اللي يريحك لو محصلكيش اي افاده
|