عجبي عليك يازمان
+حاجات كتير بتضيع من بين ايدينا +ا شياء وناس بتموت اساميهم فينا
+ تلمع نجوم في الليل وكم نجم فات + اخد معاه الحلم وساب ذكريات
+ وكم سحابة معدية في ازمنة عديدة + كل يوم رايحة وجاية بكم تنهيدة
+ وسما واحدة ضامة ولادها المؤمنين+ فوقيها عرش النعمة وتحتيها انين
+ شمس شروق وغروب وبشر تيجي وتروح + في الولادة يشرق عمرهم ويغرب في خروج الروح
+ روح شروقها دايم في سموات حنونة + وروح غروبها دايم في هاوية اليمة
+ روح رايحة لالهها ساكنة في سما سعيدة + وروح رايحة لضياعها في نار شديدة
+ روح طالعة ترفرف في انطلاقها + لسموات الفرح مع احبابها
+ وروح نازلة مكسورةجناحتها + لنيران الالم في عذابها
+ دنيا فانية ملياااااااااانة اشواااك اهواااال + طرقها قليل خفيفة وكتير ثقيلة الاحمال
+ واللي يفهم اصولها متفرقش معاه + يعيش فيها فقير او تعبان ولكن في ربه عزاه
+ اللي يعيش شاكرفي عذابه في دنيا الالام + يعيش في النهاية عابر لأفراح بايدين شايلاه بحنان
وعجبي عليك يازمان