[magy]

عزيزي المسلم......

عمرك قابلت حد مسيحي واستظرف عليك وقالك صلي عالمسيح وسألك بهزار
ربنا مش حايهديك للمسيحية بقي؟

عمرك ركبت مع سواق تاكسي مسيحي لقيته مشغل مزامير
بصوت جهوري واجبرك علي سماعها؟

عمرك سمعت القسيس ماسك ميكروفون الكنيسة يوم الأحد
وبيدعي علي المسلمين واليهود أحفاد القردة والخنازير؟

هل يجرؤ المسيحيين المصريين في اعيادهم يفرشوا سجاد قدام الكنيسة
عشان الزحمة زي المسلمين ماهو مسموح لنا في أوروبا وامريكا؟

عمرك سمعت عن تشكيل جماعة إرهابية مسيحية للرد علي هجمات البعض
علي الكنائس أيام فوضي الاخوان؟

عمرك فتحت التلفزيون في قداس عيد الميلاد
ولقيت البابا بيدعي اللهم ما اشف مرضانا وارحم موتي المسيحيين ؟

عمرك سمعت عن اللواء جرجس حنا أو الفريق بولس في الشرطة أو الجيش
أو المخابرات من بعد حرب اكتوبر؟

عمرك سمعت واحد مسيحي بيقول، دكتور محمد ده مسلم بس شاطر وعنده ضمير؟

........خلينا نتكلم بصراحة
وكفاية اونطة البوس والاحضان بين الشيوخ والقساوسة واللي في القلب في القلب
ولازم نعترف أن أقباط مصر اغلبهم مسالمين و في منتهي الأدب وان بعض حقوقهم مهدرة
باسباب ليست من الإسلام في شيء بل هي ثقافة وهابية دخيلة ستتسبب في شرخ
لن يلتئم في البنيان المصري ولنا أسوة في مصر
ماقبل الستينات عندما كان المسلم والقبطي واليهودي سواسية ......

توقيع. ......
مواطن مصري مسلم ضد مبدأ دفن الرؤوس في الرمال

المواطنة هي الحل، ولا فضل لأحد علي أحد إلا بالكفاءة
واعلم جيدا كم الحب والتقدير المتبادل بين المسلمين والمسيحيين شعبيا
ولكن الحب وحده لا يكفي ولابد من المساواة

بقلم/ احمد السيد سليم

كتر خيرك انسان محترم وقال كلمة حق لناس
كتير مش شايفه الحقيقه او مش عايزين يشوفوا !!