[magdy-f]

طوباك يا أنبا بولا






مديح طوباك يا أنبا بولا

طوباك يا أنبا بولا يا حبيب المسيح
ياضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

يا أنبا بولا يا أول السواح
يا قديس وبار بتنور كالمصباح
سيرتك نقيه جيت هنا بسماح
من رب القوات وقلبك ليه ارتاح

سبت العالم كله ولا بصيت وراك
وقلبك كان مشغول بالرب اللى فداك
مين زيك يا حبيب دة يسوع هو اللى هداك
تسكن ده المكان وحدك ولا حد معاك

رب القدره يأمر مع كل غروب غراب
معاه نصف خبزة لا اتأخر يوم ولا غاب
ده أمر غريب وعجيب تحتار فيه الألباب
طير بيعول انسان لا ده رب الأرباب

لما مات أبوه المال كان عنده كتير
طمع فى ماله أخوه وقاله أنت صغير
نصيبك يبقى قليل ونصيبى أنا الكبير
هى دى القسمه اللى لازم تصير

حبوا ينصفوك
من اللى ظلموك
قام راح للقاضى يحكم ما بينه وبينه
قابل فى السكه جنازه وناس يبكوا
رجع فى رأيه وساب ماله لأخوه

العالم فيه أيه عشان نتمسك بيه
الكل باطل باطل والعين ما تشبع بيه
بتجرى ورا أيه
نفسك طمعانة فى أيه
ان دامت لحد تبقى تدوم ليه

أنا أيه ينفعنى لو أربح العالم
وأخسر نفسى وأعيش فى خصام
الحيه زمان أغرت أبونا آدم
وخليته يقع ويعيش فى ظلام

يارب أرشدنى وأهدينى لسبلى
وشق لى طريقى وياك يحلالى
تختاره بأيدك ويمينك تسندنى
يارب اسمعنى
أسرع وأعنى

بخور طيبك قد فاح
ملأ الدنيا أفراح
لولاك مانزل مطر ولا ندى يحيى الأرواح
فى أوان النيل يفيض يروى الأرض البراح
معاك الخير ييجى يحتار فيه المداح

لما أراد الله يظهر برك وضياك
أرسل ملاكه للأب أنبا انطونيوس هناك
مشى لك يوم بتمام بيطلب رؤياك
فدخلت المغارة وقفلت الباب وراك

صرخ الأنبا أنطونيوس وقال لك يا مبارك
قابلت إليك وحوش إقبلنى لأتبارك
سألت فأُعطيت
طلبت فوجدت
قرعت وأنا أؤمن إنه يفتح لى

طوباك يا أنبا بولا يا حبيب المسيح
ياضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح

حمل



http://www.4shared.com/video/X2XfZbWnce/___.html