منتدى الفرح المسيحى - مش مضطر تعمل اى حاجة

https://upload.chjoy.com/uploads/16990458228781.jpg

فكرت قبل كده هي يعني إيه النعمة؟
هنقول الكلام المعتاد اللي عرفناه من صغرنا ..
تعرف إن صلاح الله اللي بيدهولك بغض النظر عن استحقاقك أو عدمه هو "النعمة"
اللي مش مضطر تعمل أي حاجة علشان تاخدها..
هي العطية الإلهية المجانية اللي اتدفع فيها تمن غالي، والتمن ده هو موت المسيح..
وبكده هي بتدي الإنسان الحياة الحقيقية، فهي نعمة مبرِّرَة نقبلها و نسيبها تشتغل في حياتنا..
فلما تدخل لحياتنا بتبقى هي الأساس اللي بنتحرك بيه وعليه،
وكمان بتدينا القدرة علشان نعيش حياة فوق العادة، فبتساعدنا نتغير لصورة يسوع ابنه..
فبتكون هي الأساس اللي بيتبني عليه التبرير والتقديس ومش بيكملوا من غيرها..
فهي مش مجرد عطية مجانية لكنها قوة تبرر وتعلم وتقدس وتغير..
النعمة بتخلينى مسئول عن تغيير حياتي لأن تمنها دم الفادى..