منتدى الفرح المسيحى - يارب علمني اكون زيك 🙏 ، اخرج بره دايرة ذاتي

https://upload.chjoy.com/uploads/169800896658441.jpg
"يارب.. وقت ما كان الصليب مرسوم قدامك بكل آلامه وتحدياته ✝️
، كان التلاميذ بيتخانقوا مين فيهم الاكبر والاعظم 🥇 ،،
كان ممكن تنتهرهم انهم مش حاسين بيك ،
كان ممكن تفكرهم بأصلهم - صيادين سمك -
وكان ممكن تنفعل وتقولهم : انتو لسة متعلمتوش الدرس لغاية دلوقتي ؟😡
لكن انت معملتش كده ، انت قدرت تخرج بره ذاتك وألمك وتقولهم
: انتم ملوك 👑 بس مش هتستخدموا سياسة ملوك العالم ،
لكن الأكبر هو مَنْ يخدم اخوته ويخدمني
يارب علمني اكون زيك 🙏 ، اخرج بره دايرة ذاتي
، اعرف أشوف الفتيلة المدخنة والقصبة المرضوضة
واخد بالي منها واحاوط عليها لحد ماتقوم من تاني"
آمين 🙏