منتدى الفرح المسيحى - مهما كانت الظروف اطمن هو حاميك 💜

https://upload.chjoy.com/uploads/16976554959211.jpg

أوقات لما بافكر بابقى مش فاهم إزاي🤔
بولس قدر يكمل رغم سفينته اللي اتكسرت
والأمواج الهايجة المرعبة اللي كانت في البحر.

مش فاهم بأنهي سلام راح داود بنبلة قدام محارب عظيم
وضخم زي جليات!

إزاى المرأة الشونمية تقول لأليشع " سلام " وابنها ميت!
وإزاي .. وإزاي .. وإزاي...

في حاجات كتير العقل مش بيعرف يستوعبها
لكن بالإيمان بيعرف يصدقها..

اللي عايش في حصون الصخر وخلى الرب ملجأه
، يوم ما الدنيا بتهيج حواليه بيبقى مستور ومحمي
، يوم ما الظروف بتخوفه وترعبه بيعرف ينام في سلام لأن القدير مظلل عليه..
لأَنَّكَ قُلْتَ: «أَنْتَ يَا رَبُّ مَلْجَإِي». جَعَلْتَ الْعَلِيَّ مَسْكَنَكَ، (المزامير ٩١: ٩)
مهما كانت الظروف اطمن هو حاميك 💜