منتدى الفرح المسيحى - صلاتكم لسه مطلعتش لفوق

https://upload.chjoy.com/uploads/169757187128621.jpg

مجرد تخيل
………….
يسوع: انتوا بتصلوا اذاي؟
احنا: بنصلي واحنا ساجدين
يسوع: لا بتصلوا اذاي اذاي
احنا: اه بنصلي بالتسبيح والألحان
يسوع : مقصدش أنا عاوز اعرف بتصلوا اذاي كده
احنا: ااااه فهمت بنصلي يا رب بالكلمه بالكتاب المقدس
يسوع: للأسف محدش فاهمني
احنا: قصدك ايه
يسوع: اقصد بتصلوا اذاي بالتسبيح والسجود والكلمه
وانتوا كل واحد بيتكلم وحش علي اخوه
بتصلوا اذاي وانتوا علي الواتس بينكم وبين بعض بتدينوا في ناس كتير
بتصلوا اذاي وانتوا بتتريقوا علي قلوب حلوه وسطكم
وكرهتوها لمجرد انهم مميزين
بتصلوا اذاي وانتوا جوه الخدمه بتاخدوا بعض بالأحضان
وجوه قلوبكم رياء لبعض
بتصلوا اذاي وده جواكم
فهمتوا بقي سؤالي بتصلوا اذاي؟
الحل ماتبطلوش صلاه بس صلوا للتغيير في القلوب
علشان صلاتكم لسه مطلعتش لفوق