منتدى الفرح المسيحى - أصغرهم لكن اشطرهم / يوحنا الحبيب

https://upload.chjoy.com/uploads/169714178895841.jpg

لما تحب حد أوي بتبقى مش عايز تسيبه
وبتهتم بأصغر تفاصيله، عايز تشوفه كل يوم، تكلمه،
تعرفه أكتر وتشاركه في كل تفاصيلك، تلزق له بمعنى أصح 😂

ده اللى عمله يوحنا الحبيب
ومن أول يوم شاف فيه يسوع قاله يامعلم أين تمكث؟؟🤔

ويقول الكتاب إنه قعد معاه اليوم كله
وكأنه مش عايز اليوم يخلص ومن وقتها وهو أتعلق بيسوع
وبقى معاه في أي حته
وكان دايمًا يتقال عليه " التلميذ الذي كان يسوع يحبه"🙂
فضل ورا الرب وقت المحاكمة والصلب
وأخر لحظات حياته على الأرض، والرب إداله مهمة كبيرة
إنه يخلي باله من العذراء مريم ويعاملها زي أمه ويكون لها ابنها.

وفي يوم القيامة كان من أوائل الناس
اللي جريت على القبر عشان تشوف حبيبها.
ولما ظهر للتلاميذ عند بحر طبرية كان أول واحد
يحس بوجوده وقال هو الرب 🙏🏼🙏🏼
كان هادى وبسيط وخجول ووديع، أصغر التلاميذ
لكن أشطرهم، قريب من يسوع ومن حضنه👌

خليني دايمًا قريب منك ولازق فيك
، شبعان من محبتك وفي حضنك دايمًا
وهيجي اليوم اللي تستأمني فيه على حبايبك
وأفضل دايمًا أول اللي يحس بوجودك🙏💜