منتدى الفرح المسيحى - الصديق مش هيفضل واقف على حيله 😊

https://upload.chjoy.com/uploads/169598053601931.jpg

اللى بيتكلم عن المسيح .. وتلاقى منه موقف معين مفهوش المسيح خالص
سواء ب شتيمة او كدب او أياً يكن حتى ولو زنا ! ..
مش معناه انه ميعرفش المسيح بالعكس ممكن يكون عارفه جدا واحسن منك كمان
بس الفكرة انك لما شوفت منه الموقف دة كان ف لحظة من سقطاته
ودة أمر طبيعى لان مفيش حد مبيغلطش ..
لان الحياة مع المسيح مش شروط وقواعد على قد ما هى
قلب بشرى ضعيف بيحاول بكل طاقته انه يشبع بالمسيح لوحده ..
فلو حد كويس تعرفه .. سقط ف خطية معينة متخلهوش يقع من نظرك
لانه لو وقع ف نظرك .. ف يوم من الايام هتقع انت كمان من نظر اللى حواليك
..
الصديق يسقط ويقوم !
الصديق مش هيفضل واقف على حيله 😊