زوادة اليوم:
كيفك؟ منيح... ؟
https://upload.chjoy.com/uploads/169622026818041.jpg
كيفك؟ منيح... ؟

لأ

بس حدا يسألك كيفك لازم تقول:

الحمدالله!

إنت منيح لأنّو الله خلّاك تكون هيك!

نِعَم الله بحياتنا و الإشيا الزغيرة اللي منعتبرها تحصيل حاصل ما منعرف قيمتها إلّا تا نفقدها!

ما تنطر تا تروح الإشيا!

أشكر الله كلّ لحظة و كلّ ثانية عا كلّ شي... بلِّش صلاتك بالشكر و خلّصها بالشكر.

إذا أزغر تفصيل بحياتك يسوع ما نسي يهتمّ فيه إنت ما لازم تنسى تشكرو عليه!

بيقول بولس الرسول برسالتو لأهل كولوسي :

"وَاظِبُوا عَلَى الصَّلاَةِ سَاهِرِينَ فِيهَا بِالشُّكْرِ"
(رسالة كولوسي 4 : 2 )

الله يبارك إيّامكن... آميـــــــن