منتدى الفرح المسيحى - إمتى تقرّر تشارك شخص باللي جوّاك؟

https://upload.chjoy.com/uploads/169610083087941.jpg

سألته: إمتى تقرّر تشارك شخص باللي جوّاك؟
--
قال:
يا ابني اللي جوّاك حتّة منك، مش مجرد كلامك ..
كل ما تشارك بحتّة، كأنّك بتعرّيها قُدّامه ..
لقيت أمان وقبول وستر، هتتشجّع تشارك بحتّة أكبر ..
لقيت تغيير ورفض وبُعد، هتلملم كلامك وتتغطّى تاني!
--
عشان كده لازم الأول تطمّن ولو شويّة، قبل ما تشارك ..
واوعى انبهارك يخدعك فتتعرّى، ومتعرفش تتغطّى ..
ده الكلام يا ابني زي الجسم تمام ..
غالي وغطاه عليك واجب، وميتكشفش الا في دواير أمان!
وزي ما اللي اتكسر، فيه منه مش بيتصلّح ..
اللي اتكشف، فيه منه مش هيتغطّى!
#حوار_مع_صديقي_الوحيد