زوّادة اليوم :
التعليم يبدأمن البيت
https://upload.chjoy.com/uploads/169526786684521.jpg
رح تبدا المدرسة قريباً ، كرمال هيك لازم تقعدوا مع ولادكن وتشرحولن إنو إذا كان رفيقن بالمدرسة طويل أو قصير, ناصح أو ضعيف, أبيض أو أسود هيدا شي مش للمزح وللتنكيت ولا رح يعملو إنسان قوي وناجح!!
وعلموه إنو مش لازم يخجل أو ينحرج إذا لبس نفس الحذاء كل يوم....
اشرحولو إنو الشنطة المستعملة فيها تحمل نفس الأحلام والطموحات يلي بتحملها الشنطة الجديدة وتحقيق الأحلام هوي بقدرتو وطاقاتو ومش بشكل الشنطة.
علموه ما يستثني حدا من رفقاتو لأنو مختلف أو ما عندو نفس القدرات متل غيرو أو لأنو من غير طبقة إجتماعية.
اشرحولوا إنو المضايقات والتنمر بيئزو وبيسببو وجع وألم وهيدا شي سيئ وما بيدل على بطولة وكبر أخلاق ...
وفهموه أنو هو رايح عالمدرسة حتى يتعلم ويطور معرفتو مش حتى ينافس حدا أو يسابقو... المعرفة والنجاح مش بالتباهي !!!
قولوا إنت وأنا ورفقاتك والأساتذة والمدراء ... كلنا عنا نفس القيمة!!
التعليم بيبدأ من البيت !!!
والله معكن.