منتدى الفرح المسيحى - الله وسط كل حاله انت فيها

https://upload.chjoy.com/uploads/169446538274331.jpg

كل واحد حسب يومه
اللي صاحي وحامل هم امبارح وهايعمل ايه انهارده
اللي صاحي وشايف دموعه علي خده من حزن من امبارح
اللي صاحي عنده امل
واللي صاحي عند احباط
واللي صاحي لازم يبقي كويس علشان لو بس قال تعبان محدش هايستحمله
واللي صاحي بيفكر يسعد غيره
واللي صاحي بيفكر امتي هو هايفرح
واللي صاحي وحشاه حياته
واللي صاحي مش حابب حياته
اللي صاحي في ايده سيجاره
واللي صاحي بيرشم صليب
واللي صاحي نفسه يتعامل حلو من اللي حواليه
واللي صاحي مش حابب حد من اللي حواليه
واللي صاحي بيقول انا محدش بيحس بيا
واللي صاحي بيدي مشاعر لكل اللي معاه
واللي صاحي ولسه مانمش من امبارح
واللي صاحي بيقول يارب واللي صاحي ناسي ربنا
وسط كل دول في حاجه واحده مشتركه
ان كل واحد صاحي الله بيرعاه ومش سايبك
مهما عملت وفكرت اول ماصحيت اعرف ان الله وسط كل حاله انت فيها
هو جنبك ومعاك وسندك وحاسس بكل حاجه بتمر بيها حلوه او مره
صعبه او سهله
هو موجود