منتدى الفرح المسيحى - يلا فلتر كل فكرة هتفكر فيها النهاردة

https://upload.chjoy.com/uploads/169428534030651.jpg

ساعات باحس إن ذهني صندوق زبالة🙈😅
أنا عارف إنه تصريح صادم..
بس ساعات بالاقي كل الأفكار مش تمام 🙄
أفكار شهوة وامتلاك ومرارة وضيق من الناس
وممكن نفتح قوس ونقول كلنا للصبح🙄

لحد ما في يوم ظهرت قدامي الآية دي ونورت أوي
أخيرًا أيُّها الإخوَةُ، كُلُّ ما هو حَقٌّ، كُلُّ ما هو جَليلٌ،
كُلُّ ما هو عادِلٌ، كُلُّ ما هو طاهِرٌ، كُلُّ ما هو مُسِرٌّ،
كُلُّ ما صيتُهُ حَسَنٌ، إنْ كانتْ فضيلَةٌ وإنْ كانَ مَدحٌ، ففي هذِهِ افتَكِروا.
فيلِبّي 4 :8

وكانت صدمة لأن لقيت فرق كبير بين أفكاري وبين الآية دي🤕
لكن حسيت إن ربنا إدانا في الكلمات دي فلتر
(عارف فكرة الفلتر؟)
وكأني محتاج أعدي أفكاري على الفلتر ده
والأفكار اللي مش ماشية مع الآية دي أتخلص منها
الموضوع ده ساعدني كتير
والنهارده أنا باشاركك بيه لأني متأكد إنه هيفرق معاك
يلا فلتر كل فكرة هتفكر فيها النهاردة وبعد كده
لحد ما تبقى دي طريقة تفكيرك.