منتدى الفرح المسيحى - فلا تحمل انت وحدك

https://upload.chjoy.com/uploads/169386676374431.jpg

حسيت قبل كده إنك مش قادر تكمل😒
أو جيت في مرة قلت يارب خدني
إنت ليه مخليني لغاية دلوقتي هنا؟ّ😬
استغفر الله العظيم إزاي تقول كده يا ابني
، مفيش حد بيصلي الصلاة ديّ😱
أحب اقولك إنك مش لوحدك ، تخيل إن موسي نفسه قالها قبلك!!😨
" أنا مش قادر أهتم بكل الشعب دا لوحدي
لأن قيادته صعبة جدًا عليَّ، فلو إنت مُصر كده،
يبقى موتني أحسن عشان ماشوفش فشلي بعيني" - عدد 11: 14-15

صلاة صعبة جدًا، موسى النبي العظيم اللي بيشوف الله وجًا لوجه
، تعب للدرجة دي 😔
بس بسرعة راح حط كل ده قدام الله،
مش قدام بشر، كانوا ممكن يسخروا منه
أو تشوفه قائد مش قد كده ...
👈المبهر بالنسبالي هو رد الله على موسى :
١٧ فَأَنْزِلَ أَنَا وَأَتَكَلَّمَ مَعَكَ هُنَاكَ، وَآخُذَ مِنَ الرُّوحِ الَّذِي عَلَيْكَ وَأَضَعَ عَلَيْهِمْ، فَيَحْمِلُونَ مَعَكَ ثِقْلَ الشَّعْبِ، فَلاَ تَحْمِلُ أَنْتَ وَحْدَكَ. (العدد ١١: ١٦، ١٧)

الله ماتناقش معاه في مشاعره، ماقالش"
يا خسارة السكة اللي مِشيتها معاك،
بقى الكلام ده يطلع منك إنت يا موسى!"🤔
بالعكس الله احترم الضغط ده وبسرعة أوجد حل 🙂

اعتقادي إن الله عايز يوصّل لموسى👇
رغم كل دا أنت لسه ابني وحبيبي وهتفضل قائد لشعبي
، حتى فى الوقت اللي إنت جايب أخرك فيه 😇

افتكر يا صديقي مشاعرك غالية أوى
ومقدرة أوى أوى قدام ابوك السماوى🙏🙏