منتدى الفرح المسيحى - أشكرك يا ضي القلب وسروره

https://upload.chjoy.com/uploads/169355108526931.jpg

يا رب أشكرك
وقت حوجة وإحتياج
وقت إنتظار تدخل وإنصاف
أيام.. شهور.. سنين.. جواهم لخبطة وحيرة

وكان سؤالي: إنت فين مني.. وأنا منك فين؟
وكانت الإجابة: أنا معك.. لا أهملك ولا أتركك

شايفك وشايف حيرتك.. إيديَّ في حياتك شغالة
متداخل في كل ظروفك.. أنا شايف المشهد كله..
وبادير التفاصيل لنهاية تعبر عن حكمتي

بقول لحضرتك أشكرك
ممتن ليك على وجودك في حياتي
على تفاصيلي المكشوفة عليك..
ودايرة الحب اللي أوجدتني فيها

يا كامل الجمال.. يا مصدر النور واللمعان
محبتك فيها الشفا.. لكل إنحناءاتي
فيها الجواب لحيرتي وآهاتي
ولمسات إيديك اللي حفظتني وقت كعبلة مرت في حياتي

أشكرك يا ضي القلب وسروره
أشكرك يا سند العمر.. يا رفيق الحياة
#أشكرك