منتدى الفرح المسيحى - اوعى يكون قلبك صخر { مثل الزارع }

https://upload.chjoy.com/uploads/169343219647881.jpg

في مثل الزارع النوع التاني..
خرج الزارع ووقع منه بذار على الصخر..
وَالَّذِينَ عَلَى الصَّخْرِ هُمُ الَّذِينَ مَتَى سَمِعُوا
يَقْبَلُونَ الْكَلِمَةَ بِفَرَحٍ، وَهؤُلاَءِ لَيْسَ لَهُمْ أَصْلٌ،
فَيُؤْمِنُونَ إِلَى حِينٍ، وَفِي وَقْتِ التَّجْرِبَةِ يَرْتَدُّونَ.
(لوقا 8: 13)
وده كان حال ناس كتير أيام السيد المسيح،
في ناس كانت بتروح ليسوع المسيح..
علشان بس بيعمل معجزات.. وفي اللي بيروح
علشان عمل معجزة اكل فبيروح له (يوحنا 6: 26)
وكان في تلاميذ غير الـ 12بيتبعوا السيد المسيح
لكن لما لقوا الكلام صعب التنفيذ
"مِنْ هذَا الْوَقْتِ رَجَعَ كَثِيرُونَ مِنْ تَلاَمِيذِهِ إِلَى الْوَرَاءِ،
وَلَمْ يَعُودُوا يَمْشُونَ مَعَهُ."(يوحنا 6: 66)
اوعى يكون قربك من الله،
علشان الخير وانه بس بينعم عليك،
او انه الكلام جميل ومفرح
هو قال اطلبوا اولاً ملكوت الله وبره وهذا كله يزاد لكم
هو يستحق انك تحبه ويبقالك علاقة حقيقية معاه،
والخيرات الارضية دي مفيش اسهل منها عند ربنا
افتح قلبك لله ولكلامه بكل ما فيه
اوعى يكون قلبك صخر تقع عليه البذار من غير فايدة