منتدى الفرح المسيحى - هو يعرف يقودك للي أنت محتاجه بالضبط

https://upload.chjoy.com/uploads/169320399931051.jpg

اليوم اللي اتقابل يسوع مع بطرس فيه كان يوم صعب في حياة بطرس

طول الليل سهران بيحاول يصطاد ومفيش فايدة
، بطرس كان فقد الأمل.
واحنا ساعات الله بيقابلنا في أوقات شبه دي
بنكون عملنا كل اللي نقدر عليه
استخدمنا كلّ خبراتنا، كلّ فهمنا، بذلنا مجهود كبير
"قَدْ تَعِبْنَا اللَّيْلَ كُلَّهُ وَلَمْ نَأْخُذْ شَيْئًا"

في الأوقات دي، بنقعد قدام الله يائسين ومحتارين في إيه تاني يتعمل.
وبنلاقي الله بيكلّم قلوبنا بحلول، بمحاولات جديدة
، بفكّرنا بناس نكلّمهم، بفكّرنا بسكّة نجرّبها، أو يدينا سلام.

الله مش بيسيبنا في الأوقات دي، بيجي في الوقت المناسب
وبيخرجنا منها شايفينه بطريقة ما شفناهوش بيها قبل كده.

اعمل اللي عليك النهاردة، وسيب الباقي على ربّنا،
هو يعرف يقودك للي أنت محتاجه بالضبط.