منتدى الفرح المسيحى

شلل رباعى

فى البدايه ارحب بيكوا كلكوا واتمنى ا نكوا تاخدوا بركه من المعجزه دى

انا جالى شلل رباعى نتيجة كسر فى الرقبه وكانت حالتى مايؤوس منها وكل الاطباء قالوا لبابا انى خلاص انتهيت لكن البابا كيرلس ظهرلى وقالى انا حابعت ليك زيت بس تدهن منه وانت حتتحرك وتبقى كويس قولتله هاته قالى لا انا حابعته مع واحد حيقعد هنا وشاورلى على مكان الراجل الى حيزورنى ويدينى الزيييت
قولتله ماشى قالى لو مادهنتش منه حاخليك اسوأ من كده قولتله اوكى وجانى الزيت ودهنت منه ورحت لدكتور اسمه د ذكى صديق فى اسكندريه بعد الدهان بيوم وقال لبابا دا حالته متأخره خالص واحتمال يموت خليه يتناول ويجينى اعمله العمليه وفعلا اتناولت ورحت تانى يوم وعملت الاشعه وكان كل الاطباء بتوع مركز الاشعه يأسين خالص من العمليه لانهم كانوا بيشيلونى على نقاله ودخلت العمليات واخدت تسع ساعات متواصله فى العمليات وخرجت والدكتور ذكى حيتجنن مش مصدق ان الحبل الشوكى ما اتقطعش وان الاشعه مبينه انى انتهيت ولكن المسيح اتمجد وشفانى وانا الان ماشى وايديا سليمه واشكر المسيح رجعت طبيعى والفضل لشفيعي اللى صلاالى عند ملك الملوك ورب الارباب و وصلولى