منتدى الفرح المسيحى - دا مش مكاني {موسي النبي}

https://upload.chjoy.com/uploads/16919443151561.jpg

وقت صعب 😥
صراخ ووجع في كل بيت😔
كل الستات خايفة على عيالها
والناس ماكانتش عارفة تهرب تروح فين!! 😟
أما أنا أمي فكرت ترميني يمكن يكون ليَّ نجاة. 🥺
وبقيت حرفيًا بين الحياة والموت😩
لغاية لما جات واحدة طلعتني من المياة،
ودا بقى أسمي "موسى"، واتربيت في أفخم الأماكن
واتعلمت أحسن تعليم.
🔴 هنا بقى يجي أهم سؤال:
إزاي بعد كل ده مشيت وسيبتهم وماكملتش حياتي معاهم؟
أقدر أقول إن دا مكانش مكاني
وفي الحقيقة مكانتش سهلة الخطوة دي، بس كان لازم التغيير دا يحصل عشان الخطة اللي راسمها الله تتحقق.
🔶مش سهل أبداً إن الواحد يخرج من دايرة الراحة بتاعته
ويروح لمكان هو مش عارفه، لكن ساعات كتير ربنا بيطلب مننا نتحرك بالإيمان ناحية الحاجة اللي تبان غامضة، وفي السكة باتغير
واتشكل واتعلم.
صعب😐 أيوة صعب، لكن هو معايّ في كل خطوة. 👣
بِالإِيمَانِ مُوسَى لَمَّا كَبِرَ أَبَى أَنْ يُدْعَى ابْنَ ابْنَةِ فِرْعَوْنَ
، مُفَضِّلًا بِالأَحْرَى أَنْ يُذَلَّ مَعَ شَعْبِ اللهِ
عَلَى أَنْ يَكُونَ لَهُ تَمَتُّعٌ وَقْتِيٌّ بِالْخَطِيَّةِ
، حَاسِبًا عَارَ الْمَسِيحِ غِنًى أَعْظَمَ مِنْ خَزَائِنِ مِصْرَ
، لأَنَّهُ كَانَ يَنْظُرُ إِلَى الْمُجَازَاةِ.
(عبرانيين ١١: ٢٤-٢٦)