منتدى الفرح المسيحى - المقولة ديه صح ؟! اجري يا ابن ادم جري الوحوش غير رزقك لن تحوش

https://upload.chjoy.com/uploads/169134605745881.jpg

بنسبة كبيرة أغلبنا سمع المثل ده..
ويمكن البعض مصدق فيه.
خليني اشارك معاك شوية أفكار بخصوص المثل ده:
المثل فيه كم قدرية كبير..
يعني اللي متقدرلك هيحصل مهما جريت وسعيت!
فيه شوية عدم عدل.. فحضرتك لو مهما جريت
بتتساوى باللي معملش أي مجهود. ما كله زي بعضه!

بيشجع على الأنتخه.. ما هي مش بتعبك
ولا بسعيك، لكن باللي مكتوب لك!!
اعتقد محتاجين نشوف حياتنا ماشية تبع أي منظومة فكرية؛
حزب الكنبة وكائن البطة البلدي ولا حزب السعي والاجتهاد؟!