منتدى الفرح المسيحى

فيه كلام عن الحب رومانسى ومليان مشاعر

وأحاسيس جميلة وفى جملته كلام واقعى

لكن فيه كلام عن الحب زى الف ليلة وليلة وسندريلا

والشاطر حسن .. وده كلام من وجهه نظرى كارثى !

لان الواحد فينا ساعتها بيسرح عن الواقع وينسى الوقائع

وتتخيل هى فارس أحلامها يجى وينجيها وياخدها فوق القمر

أو يتخيل هو فتاه أحلامه اللى فى وسط ليله تكونله القمر

ولما نيجى للجد ...

تبان المشاكل ونفتكر ان الخطأ دايماً فى شريك حياتنا

ونظلم الحب معانا .. والحب يبص لينا ويقولنا فهمتونى غلط

دا ...

الحب مشاعر مايعرفش يعبر عنها اجمد شاعر

الحب أحاسيس مش مكتوبة فـ كراريس

الحب إحتمــــــال يـضــــرّب بيــه الامثـال

الحب تفاهم مش كل واحد عامل فاهم

الحب مساحه حرية مش تلاكيك وقيود " وأنت ليا "

الحب إحساس بالاّخر من قبل مايتكلم مش فى الأخر

الحب هو مسئوليه إسعاد شريكك فى الحياة

وبعد كل ده إحلم بأى حاجة وإتمنى أى شىء ولكن خليك

عارف " إن الحب جماله فى واقعيته مش فى خياله "