زوادة اليوم:
الطّمع بيقتُل صاحبو
https://upload.chjoy.com/uploads/169094986787441.jpg
بيخبرو عن فارة فاتِت عا قبو و لقيِت أحلى شي بحياتِها :

مرطبان كبير مليان حبوب من كل الأنواع.

قالِت خَي ما بقا لازِم إتعَب و روح فتِّش عا أكل هون في كتير.

و قعدِت بهالمرطبان تاكُل... بعد كذا يوم هيّي تاكُل و الحبوب تنقَص و هيّي تنزل لتحت لوقت ما فضي المرطبان و لقيِت حالها علقانة بقلبو و ما فيها تطلَع!

الزوّادة اليوم بتقلّنا إنّو الطّمع بيقتُل صاحبو و إنّو الإشيا اللّي مننغَش بشكلها الحلو بالأوَّل بلا ما نفكِّر بِتأثيرها عالمدى الطّويل بتوصِّل للهلاك...
والله معكن.