منتدى الفرح المسيحى - سكتك أنا مكمل فيها يا رب حتي لو الناس قالت عليّ مجنون

https://upload.chjoy.com/uploads/169062156894291.jpg

بتقول لنفسك إيه ؟
هل بتقول زي يوسف : أنا خلاص عمري ضاع في السجن ؟

هل الناس شيفاك مجنون زي (نوح)
ومستني حاجات عكس الواقع تحصل؟
هل الناس شايفاك متعلق بقشة زي(إبراهيم) .
. و بتأخد أهلك و ماشي بيهم في طريق مبهم؟

طيب أنت عارف إن نفسك بتصدق كلامك ليها.. أيوة زي ما باقولك كدا ...
صدق إن مش دي آخر القصة ... اتكلم إيجابي عن قصتك
و هدفك في يسوع
خلي لسانك يتعود يقول ويطلب ويتنبأ عن الخير
اللي في خطة الله لحياتك ..
توب عن كل الكلام السلبي اللي مغرق نفسك فيه ..
القدير مجهز في مشيئته قصة لحياتك مفيش أجمل منها ..
اطلب مشيئته وقول له أنا هنا مستنيك في السجن..
أو أنا سهران بابني الفلك بإيمان ..
قول له سكتك أنا مكمل فيها يا رب
حتي لو الناس قالت عليّ مجنون و مش عارف رايح لفين..