منتدى الفرح المسيحى - دمتم طيبين رغم أي طين وأي داء وأي أنين. 🙏

https://upload.chjoy.com/uploads/169048438280511.jpg

شخص كاتب علي الفيس بوست بيقول:
حتي كلمة مبسوطين آخرها طيــــــن !
قولت بيني وبين نفسي إيه الكآبه دي !
أنا لازم أحاول أنقل له طاقه إيجابيه يمكن يفك ويفرفش كده

ولما قولت أتفزلك واشوف كلمات بديله تعطي نفس المعني
بدل مبسوطين اللي آخرها طين دي
قولت مثلا فرحانين، أو سعداء.
واكتشفت حاجه غريـبه !
زي ما كلمة مبسوطين آخرها طين لاقيت إن :
حتي كلمة فرحانين آخرها أنيـــــــن!
و حتي كلمة سعداء آخرها داء (مرض)!
قولت سبحانك ياااااااااارب 🙏🙏🙏
وكأنها ماسج من فوق.
ربنا عايزنا مبسوطين رغم الــ طين
وعايزنا فرحانين رغم ال أنين .
وعايزنا سعداء رغم الــ داء
وإن مش شرط زوال الألم. والتجارب والمرض،
عشان نشعر بالفرحه.
لأنه الوحيد القادر إنه
يعطي وقت الحزن تعزيه،
ووقت الألم شكر ورضا،
ووسط الضيق يفتح سكه وطريق.
ومع الدمعه يعطي البسمه .
دمتم طيبين رغم أي طين وأي داء وأي أنين. 🙏