منتدى الفرح المسيحى - يسوع عرفوه بالعقل، والقلب..!☝☝

https://upload.chjoy.com/uploads/16893209226181.jpg

يسوع ..
مازعلش من نيقوديموس
لما حاول يفهم بعقله الكلام،
بالعكس دخل معاه ف حوار طويل
بكل حب واحترام لتفكيره..!🤝🤝

ولا زعل من تلميذي عمواس
لما رفض عقلهم يصدقوا موته وقيامته ،
ومشي معاهم مشوار طويل
يفهمهم من الكتب
ويشرحلهم من النبوات..!📜📜

احترم ان توما شكاك ،
وظهرله مخصوص عشانه،
وقاله هات ايدك وحط صباعك ف جنبي..!♥️♥️

احترم شخصية كل تلميذ عنده
واشتغل بالكل ..!

ومالغاش ثقافة بولس الفيلسوف
ولا خلاه نسخة في كرازته
من بطرس او يوحنا المعتبرين أعمدة..‼️‼️

يسوع عرفوه بالعقل،
والقلب..!☝☝