منتدى الفرح المسيحى - امتى يكون حلو كلام الخطوبه ؟

امتى يكون حلو كلام الخطوبه ؟
*********************
... لما يكون طالع من القلب
لما يكون حقيقى مش مجرد كلمتين حفظناهم من اى فيلم
الكلام الحلو فى الخطوبه احساس مش مجرد تمثيل وكلام

الحب فى الخطوبه مش شرط يكون كلام يكفى انه يكون احساس

ويجب الكلام يكون فى حدود
يعنى مش معنى انى خطبت البنت اللى بحبها
ولا اتخطبت للى بحبه
يبقى مسموح لينا نتكلم فى اى حاجه
لا طبعا

امتى يكون كلام الخطوبه مش حلو ؟
*************************
لما تكون الخطوبه لهدف ما
لما يكون كلام تمثيل وبس
لما يكون من غير احساس

++++++++++++++++++++++++++++
ياريت يا جماعه منقولش اى كلمه غير لما نكون متأكدين انها من جوانا
احنا ممكن نكون موهمين اننا بنحب فلان ولكننا مش بنحبه بس اتعودنا اننا نكلمه كل يوم
ونقولوا كلام حلو لبعض

اصعب حاجه بجد لما تقول لحد بحبك ومتكونش من قلبك
وفى يوم من الايام يعرف بكده بتكون صعبه اوى
ياريت منكنش سبب جرح لاى حد
ياريت ناخد بالنا اوى من نفسنا فى فتره الخطوبه
وبلاش خروجات كتير
او سهر برة البيت حتى لو كان مع خطيبك

لان انتى متعرفيش اذا كنتى هتكملى ولا لا
ولو بعد الشر مكملتيش كلام الناس هيبقى كتير
انا بس عاوزة كل بنت تاخد بالها من نفسها ومن تصرفاتها حتى لو كانت مخطوبه

وعاوزة كل رجل وكل شاب ميقولش اى كلمه حب غير لما تكون فعلا من قلبه

ربنا يملى حياتكم حب وسعاده وفرح يارب