منتدى الفرح المسيحى - ده دور الله مش دورك أنت

https://upload.chjoy.com/uploads/168830548659931.jpg

من سنة بالظبط حصل قدامي موقف غريب من واحدة 🙄
وفضلت أقول هي إزاي تعمل كده 🤔
وفاكرة كويس إني حكيت لحد من أصحابي الموقف
وفضلت أدين فيها 😣☹️

وتعدي السنة والموقف اللي حصل وأدانته، أنا عملته بكل تفصيلة فيه🙈 ووقتها الموقف للأسف حصل قدام نفس الشخص
اللي حكيتله الموقف القديم 🫣
ولاقيته بيقولي فاكرة لما فلانة عملت الموقف ومارحمتيهاش😒
أنا في اللحظة دي حسيت كأني أخدت بالقلم علي وشى 😱😞
والروح القدس فضل يفكرني ويقولي ماينفعش ندين الناس
أنتِ اهو وقعتي في نفس الغلطة، وفكرني بالأية دي

لَا تَدِينُوا لِكَيْ لَا تُدَانُوا، لِأَنَّكُمْ بِٱلدَّيْنُونَةِ ٱلَّتِي بِهَا تَدِينُونَ تُدَانُونَ،
وَبِالْكَيْلِ ٱلَّذِي بِهِ تَكِيلُونَ يُكَالُ لَكُمْ. متى ٧: ٢

الإدانة أصعب حاجة ممكن تقع فيها
عشان كده يسوع حذرنا منها لأن زي ما هتدين حد
هتلاقي اللي يدينك برضه

-قرر إنك تستر على أخوك لو لاقيته بيغلط
- قرر إنك ماتبقاش موجود في قاعدة نميمة علي حد
- قرر إنك تصون سمعة حد لو شوفت حد بيتكلم عليه
أنت مش موجود عشان تدين الناس.. ده دور الله مش دورك أنت..