منتدى الفرح المسيحى - (ببكاء الاطفال) انا فيك يارب

https://upload.chjoy.com/uploads/168801785546531.jpg

سؤال جه في بالي وانا واقف في القداس؟
زمان ربنا في البدايه سأل ادم سؤال (اين انت)
لقيت نفسي روح الله بيسألني
روح الله : انت فين
انا: انا اهو يارب واقف قصادك
روح الله : عارف يا حبيبي لكن انا بسألك عن نفسك
انا: نفسي !
روح الله: اه نفسك . نفسك المكسوره والمُنحنيه
راحت فين ضحكتك
راحت فين فرحه قلبك
راحت فين كرامتك وشخصيتك
انا: كفايا يارب انا مش قادر

روح الله: كنت مستني منك رد تاني
انا: انهي رد
روح الله : لما اسالك انت فين تقولي انا فيك وانت فيا
انا: طب شدد مشاعري وقوي قلبي لاني فعلا تايه مش عارف انا فين
روح الله: طب اتناول لان ساعتها من يأكل جسدي
ويشرب دمي يثبت فيا وانا فيه وهايبقي مكانك جوايا
علشان لمًا اسالك انت فين هاتقول ايه
انا : (ببكاء الاطفال) انا فيك يارب