منتدى الفرح المسيحى - لسة مؤمن بتغييرك في السكة معاه❤

https://upload.chjoy.com/uploads/168754960133121.jpg

في معجزة إشباع الجموع المعروفة عند أغلبنا
، أول مرة كنت أخد بالي أن يسوع
لما جه عمل المعجزة يقول الكتاب أنه "
كَسَّرَ وَأَعْطَى التَّلاَمِيذَ لِيُقَدِّمُوا لِلْجَمْعِ " .. 🤗

قعدت أفكر طب هو ليه المسيح مكسرش
و ادى للجمع على طول من غير التلاميذ ؟ 🤔
كان قادر زي ما بدأ المعجزة ينفذها للآخر
زي أنه مثلا كل واحد يفتح عينيه يلاقي طبقه قدامه
فيه السمكات والخبز على أد احتياجه
، لكن لا يسوع معملش كدة
هو قرر يشرك تلاميذه معاه في المعجزة ..
من إيد الآب 👈 لإيده 👈 لتلاميذه 👈 للجمع .. 👌

التلاميذ اللي منهم أنكر واللي خان واللي باع
واللي تركوه عند الصليب.
التلاميذ اللي صحوه من النوم في المركب مرعوبين
وقالهم :«مَا بَالُكُمْ خَائِفِينَ يَا قَلِيلِي الإِيمَانِ؟»
هما هما التلاميذ اللي يسوع قالهم :
«أَيُّهَا الْجِيلُ غَيْرُ الْمُؤْمِنِ، الْمُلْتَوِي، إِلَى مَتَى أَكُونُ مَعَكُمْ؟
إِلَى مَتَى أَحْتَمِلُكُمْ؟ ، لما عجزوا أنهم يشفوا
ابن رجل يصارع مع الآلم ويقع كثيرًا في النار والماء .

يسوع كان عارف مين هم التلاميذ قبل وبعد المعجزة
دي مش متفاجئ بيهم وبعمايلهم ،
وبرضو قرر يديهم الثقة للعمل معاه تاني وتالت 🤗

رغم كل ضعف وقلة ثقة في شخصه أوقات،
لكن الله لسه بيثق فيك
، لسه عايزك تعمل معاه في ملكوته
ولسة مؤمن بتغييرك في السكة معاه❤